سري فبياض وجهي وصفة لي مكتخطانيش ديروها وتفكروني

وصفة كنشارك بيها والحمد لله من نهار جربتها او هي مكتخطانيش او جبتها ليكم حتى انتوما ديروها ولي دارتها تدعي معايا ربي يسر ليا كل صعب نخليكم مع

المقادير


200 غرام سكر كلاصي

قرعة ماء ورد

باكية غاسول ابيض

صابونة ديال الكف صغيرة

باكية الخميرة ديال الحلوة صغيرة



الطريقة


تاخدي الصابونة وضروري تكون ديال الكف تقطعيها لتلاث قطع متساوية وتاخدي جوج ديال القطع وتحكيهم فالحكاكة ديال اليد ديال مطيشة وديري الصابون المحكوك فمولينيكس . والطرف لي شاط خليه للمرة الجاية. من بعد ضيفي الغاسول والخميرة وماء ورد والسكر وخلطي حتى الحصول على كريم بحال نيفيا وحطيها فشي قرعة ولا شي علبة زجاجية او وضعيها في الثلاجة. حطيها على وجهك او خليها حتى تنشف او من بعد غسليها وبقاي تستعملي الخليط مرة فالصباح او مرة فالعشية والنتيجة ان شاء الله غتبان من اول استعمال نتمنى تستعملوها حيت هي كتبض او كتنقي الوجه او كتعطيه نظارة ايوا متنساوش الدعيوات الله انقي وجوهكم وصفيحاتنا وصفيحاتكم من الذنوب مع تحياتي.